'; echo ''; endif; endif; wp_reset_query(); ?>
الرئيسية - فلك - ابراج اليوم الثلاثاء 14-11 علق باسم برجك ليصلك يوميا
Loading...

ابراج اليوم الثلاثاء 14-11 علق باسم برجك ليصلك يوميا

صباح الخير….
ابراج اليوم 14/11/2017

#الحمل
ماعم تعرف ترتاح وعم تكتشف ناس كتير على حقيقتها بدي منك بهاليوم تعزز شراكاتك وبهدوء تام انتبه من لسانك ومشاكلك لان اي كلمة ممكن تعملك مشكلة ..
عاطفيا .. لاتحكم على شي ولا تعمل شي اليوم لأن رح ينحط اللوم عليك فحاول قدر الامكان تهدي الأمور مع الشريك وممكن البعض يتم خطبة

#الثور
عم تحس الشغل كتير والوقت ماعم يساعدك وعم يتم انتقادك بالكسل وعدم القدرة على الانجاز فانتبه وحاول تنهي الضروري وكمان صحتك لاتهملها لان في عندك عارض صحي ..
عاطفيا .. كتير من الأمور بحاجة لحل بعلاقتك مع الشريك ولازم تكون حاسم بوضعك العاطفي ..

#الجوزاء
بعدو التوتر عم يزيد وماعم يخليك مرتاح كل شي عم يكون متعب وخاصة على صعيد العيلة بس من هاليوم رح يتغير كل شي رح تحس بالحظ رجع يدعمك وراحة واستقرار بوضعك..
عاطفيا .. فرصة اليوم لترجع حبك القديم او حتى تبدأ حب جديد الحظ بيدعمك .

#السرطان
مافي شي عم يريحك وقصة بتخص عيلتك او بيتك عم يزيدو الوضع سوء عندك مابدي تخاف أو تكبرها حاول تكون هادي ومو ناقصك تعب صحي وامورك رح تتغير للأفضل ..
عاطفيا .. لاتتخذ قرارات مصيرية بعلاقتك ولاتزعل على حبيب ماكان منيح معك ..

#الأسد
يوم بيحملك دعم وطاقة لتتحرك لتسافر لتتلقى اتصالات كتير وتكون قادر على اقناع الناس برأيك ودراسيا يوم مميز فلاتتردد وحاول تطور عملك ..
عاطفيا .. لاتكبر المشاكل واليوم لتحكي الشريك وتصل لحلول مرضية الك ..

#العذراء
عم تحس بضيقة مالية وصار لازم تلاقي حل هاليوم ممكن تحصل على مصاري وتحسن وضعك بس انتبه كمان لمصروفك الزايد ..
عاطفيا .. انت بدك استقرار والشريك ماعم يسأل حاول تقرب وجهات النظر وتلاقي حل ..

#الميزان
مريت بأسوأ أيامك تأجيل وتعب وكل شي كان صعب بس اليوم عم تطلع من وضعك وترجع ثقة الناس فيك فرصة لتحل مشاكلك وتغير كل شي لمصلحتك وتبدا من جديد ..
عاطفيا .. خبر حلو رح تسمعو وممكن تتلقى اعتذار على موقف صار ..

#العقرب
في شي ماعم يريحك وحاسس الدنيا مسكرة بوجهك ضغط كبير ومشاكل وتعب حاول تبعد عن اي شي ممكن يأذيك ولاتحاول تحسم شي وانتبه لصحتك هاليوم ..
عاطفيا .. مشكلة بتكبر مع الشريك وبتفقد الامل بالحلول وبتحس انو ماعاد في رجعة ..

#القوس
جو من اللقاءات والحالة الاجتماعية المميزة رح تعيشو هاليوم رح تحس بدعم الناس الك ومساعدتها استفيد من هالشي ..
عاطفيا .. العيون عليك مشرق وعم تكون محبوب وممكن صداقة تتحول لحب ..

#الجدي
لاتستهين بشغلك وكون دقيق ولاتتأخر لأن يوم عم يحاول فيه بعض الناس الايقاع فيك فانتبه وخليك جاهز لاي موقف حتى مايأثر عليك ..
عاطفيا .. انت بحاجة لحدا ينسيك حياتك ويحبك عنجد وهالشي قادم بس كون رومنسي شوي بتعاملك ..

#الدلو
انت مميز وعم تفكر بالسفر كتير هاليوم وعم تتلقى اتصالات من ناس بعاد او مابتعرفها لاول مرة بتحكيك وعم يكون في شغل جديد لالك فحاول تكون مستعد لهالشي ..
عاطفيا .. عم ترجع ثقتك بحالك والحبيب عم يحكيك وتعيش اوقات رومنسية معو ..

#الحوت
حالة التوتر والارهاق يلي مريت فيها بتنتهي وبتحس بشوية راحة ابحث عن حلول للمشاكل يلي صارت وحاول تضبط ميزانيتك وماتصرف كتير ..
عاطفيا .. انت بحاجة للراحة والتفكير قبل ماترجع لعلاقتك لان تعبتك كتير ..

بتعليقاتكم ومشاركتكم للمقالات يصل صوتنا إلى أبعد مدى بفضلكم ومعكم

لسنا مسؤولين عن التعليقات الواردة والمعلق وحده يتحمل مسؤولية التعليق